KALIBO, Aklan—Nagapabilin nga Malaria free ro probinsya it Aklan.
Suno kay Roger Debuke it Provincial Health Office ukon PHO-Aklan nga sa makarun hay masobra 25 anyos eun nga malaria free ro probinsya.
Sa pihak kara nagapadayun ro ginhimo nga surveillance it mga health authorities agud mapabilin nga euwas ro publiko sa sambilog sa mga ginakabig nga delikadong sakit nga malaria.
Kapareho it dengue, ro malaria hay sakit nga daea it namok.
Ro babaying namok nga Anopheles ro naga-angkit sa mga tawo.
Kung matyempuhan nga raya hay may daea nga parasito ukon parasite, nagasaylo raya sa dugo it tawo.
Sa atay naga-abo ro parasito ag dikara eun man magaguwa ro mga sintomas it malaria.
Sakit it ueo ag kaeawasan, pagkahilo, pagsuka, mataas nga eagnat ag pagpangurog ro intomas it malaria.
Kung grabe eun ro impeksyon ag indi mabueong hay pwedeng mapatay ro biktima.
May bueong para sa malaria.
Ro importante hay mapa-check eo dugo para makumpirma kung positibo eun.
Makabulig man ro bueong kung magpadueong ro sangka indibidwal sa lugar nga may nailistang positibo sa malaria.
