KALIBO, Aklan—Ginpabugae ni Kalibo Sangguniang Bayan member Augusto Tolentino ro anang ginpasa nga ordinansa ko Mayo 18, 2020 nga nagatao it dugang nga benepisyo para sa mga indigent senior citizen.
Suno kay Tolentino, ro nasambit nga ordinansa hay maga-kriar it monitoring board nga maga-monitor sa mga senior citizen sa pag-implementar it Municipal Plan, Programs ag Project kamana man nga raya hay aprubado ni Kalibo Mayor Emerson Lachica.
Ginlaygayan man kara ro pamilya it may mga sakit nga indigent senior citizen nga pahaumon ro papeles para sa hospitalization bangud may pagabatunon sanda nga ayuda.
Ro medical assistance sigon para kara hay naga-balor it P4,000 pesos samtang ro death benefit hay nagakahaeaga it P5,000.
Gindugang pa ni Tolentino nga ro pondo para sa programa hay maghalin sa budget it lokal nga gobyerno.
Ro mga Kalibonhon suno kana nga maga-abot it 100 anyos hay pagataw-an it P10,000 pesos ag plaque kamana man P100,000 sandig sa Republic Act 10868.
