KALIBO, Aklan—Ginabawaean sa gihapon nga makasueod sa probinsya it Aklan ro mga travelers maghalin sa NCR plus bubble.
Suno kay Aklan Provincial Administrator Atty. Selwyn Ibarreta nga hugot sa gihapon ro ginapatuman nga pagsinueondan it Aklan Provincial Government para sa mga naga-uling mga turista maghalin sa lugar nga una sa idaeum it Modified Enhanced Community Quarantine ukon MECQ.
Dugang pa kara nga hasta makarun hay ro mga essential travelers eamang ro ginapasugtan nga makasueod sa probinsya kapareho it mga Authorized Person Outside the Residence ukon APOR nga ro tuyo it pag-uli hay importante ukon may kaangtan sa pagtrabaho ag bukon it pagbakasyon.
Pagapasugtan man ro mga Returning Aklanon residence nga naabutan it lockdown sa NCR.
Samtang, gineaygayan man kara ro publiko nga kung mahimo hay likawan anay ro pagbiyahe ag padayun nga magsunod sa ginapatuman nga health protocol agud mapabilin ngaeuwas sa paeag it deadly virus nga COVID-19.
