KALIBO, Aklan—Ginpamalibaran ni Market Supervisor Abel Policarpio nga may nagalibot nga gina-alegar nga recycle ticket sa Kalibo Public Market.
Suno kana nga ro nasambit nga isyu hay owa it baeasihan.
Imposible suno kana ro nasambit nga alegasyon nga kon naga-isyu it ticket ro andang mga collector sa mga vendors hay gina-gisi ag ginabutangan it petsa.
Posible suno kana nga naging practice raya ko una apang sa idaeum it anang pagdumaea hay owa it may naga-eksister nga makarondaya nga iregularidad.
Pamatuod sigon kara ro pag-eampas it andang koleksyon sa gintaeana nga target umpisa 2016 hasta 2019.
Naapektuhann suno kana ro andang koleksyon ko 2020 bangud sa pagtama it pandemya kun sa siin hay naghina man ro economic activity.
Angot kara, nag apela imaw nga i-report sa anang taeatapan kon sin-o ro nagahimo it kapareho nga anomaliya agud nga engkaso nga mapamatud-an nga nagkasaea hay imaw mismo ro maga rekomendar nga i-terminate ro andang kolektor.
Tuyo kara nga indi maapektuhan ro anang taeatapan ag iba pang koleksyon nga sensiro ro pagtrabaho.
