India nagtukod it mga isolation center bangud nga overcrowded eon ro mga ospital

KALIBO, Aklan—Bangud nga overcrowded eon ro mga ospital eabi eon sa New Delhi, India,  nagtukod  ro gobyerno it mga isolation center ag gin-convert ro mga hotels eakip ro mga 5-star hotels  nga maging ospital.

Suno kay Bombo International Correspondent Zenaida Rizaldo nga hugut nga ginapatuman it gobyerno ro minimum health protocols , apang maabu ro mga pasaway.

Agud nga  masabat ro  nagatinaas nga  oxygen demand ,  plano it gobyerno nga  makipag-tie up sa maabu nga mga pribadong kompaniya  agud nga mag import it oxygen concentrators sa India.

Samtang,  kaabuan sa mga kompaniya hay nagapatigayon it work from home  kapareho it mga call centers  ag iba pang kompaniya.