KALIBO, Aklan—Kapareho it anang magueang, ginbalewala man ni Kalibo Mayor Emerson Lachica ro nagakalhit makaron nga black propaganda kontra kanda nga magmaeanghud.
Suno kana nga ko nagtaliwan nga eleksyon sa anang kauna-unahan nga pagsabak sa pulitika, mabahoe ro naging amot it mga black propaganda kontra kana sa anang kadaeag-an.
Bangud sa mga ginhimo nga pagpanamad kana hay nakaangkon imaw it sympathy votes.
Imbes sigon nga maakig kana ro publiko hay mas pa imaw nga ginkaeo-uyan.
Puro suno kana saea ag nagapataeang eamamng ro mga impormasyon nga nakabaehag sa open letter.
Ginasugid nga ro eugta hay nagabalor it masobra sa 80 milyon pesos, mas mataas sa 60 milyon pesos nga gintaeana nga pondo sa lot purchase.
Dugang pa nga ro eugta hay gina-alegar nga ginapanag-iyahan ni dating kalibo mayor William Lachica nga sa kamatuoran ro titulo kara hay nakapangaean kay Mr. Melquiades Robles.
Nag agi sigon sa proseso ro tanan apang masyado eang imaw nga ginapulitika it pilang Sangguniang Bayan members.
Klaru sigon raya nga political harassment.
Ginpabugae pa nana nga sa sueod it 27 anyos nga pagserbisyo bilang Municipal Engineer hasta nga naging alkalde it banwa hay owa imaw naeakot sa korapsyon.
Ginhangkat man nana ro anang mga detractors nga maabu nga tamang pamaagi agud nga maipaabot sa tawo ro kamatuoran rason nga dapat nga mag agi eang sa tama.
