KALIBO, Aklan—Gin-umpisahan eon it lokal nga gobyerno it Malay ro pagbakuna kontra COVID-19, makaron nga adlaw, Mayo 4, 2021.
Ro daeagan it pagbakuna hay sandig sa ginapatuman nga protocols it Department of Health kun sa siin gintaw-an it prayoridad ro mga naeakip sa A1 list ukon mga healthcare frontliners.
Unang nakabaton it COVID-19 vaccine nga himo it Sinovac company si Ralf Tolosa, Liga ng mga Barangay President, ex-officio member it Sangguniang Bayan ag Punong Barangay it Caticlan.
Imaw hay ginsundan ni Cristian Gelito, Barangay Kagawad it Manocmanoc sa isla it Boracay ag Diosdado Padilla, Jr., SK Chairperson it Barangay Manocmanoc.
Ginaeauman it LGU-Malay ag Municipal Health Office nga matapos nanda makaron nga adlaw nga mabakunahan ro kapin sa 150 nga katawo.
Ro mga makabaton it andang bakuna makaron hay magabalik para sa andang second dose sa Hunyo.
