KALIBO, Aklan—Ginaduso makaron it Sangguniang Bayan it Kalibo nga madugangan it sambilog ro mga pasaherong pwedeng magsakay sa mga nagabiyaheng tricycle sa banwa it Kalibo.
Suno kay Federation of Kalibo Tricycle Operators and Drivers Association Inc. ukon FOKTODAI president Johnny Damian nga ginakalipay nanda ro nasambit nga balita bangud mabahoe rayang ginhawa sa parehong driver ag commuters.
Raya sigon nga tikang hay halin sa inisyatibo ni SB member Matt Aaron Guzon nga Chairman it Committee on Transportation.
Engkaso nga mapasugtan ro nasambit nga proposisyon hay magiging tatlo eon ro sakay nga pasahero it mga nagabiyaheng tricycle sa Kalibo.
Ginpadaea eon man sigon nanda sa Sangguniang Panlalawigan ag Provincial Inter-Agency Task Force ro natungdan nga proposal ag ginahueat eon lang ro magiging resulta kara.
