KALIBO, Aklan—Uman nga nag-apela ro Department of Education ukon DepEd sa mga ginikanan nga ipa-enroll ro andang mga inunga makaron nga mas ginpaeawig pa ro early registration.
Suno kay Dr. Miguel Mac Aposin, Schools Division Superintendent it DepEd-Aklan nga hasta sa katapusan it buean ukon Mayo 31 ro extension it early registration para sa mga incoming kindergarten ag grades 1, 7 ag 11 sa mga pampublikong eskwelahan para sa pagbukas it school year 2021-2022.
Tuyo sigon kara nga makapahaum ro taeatapan sa mga kinahangeanon nga learning materrials it mga estudyante.
Kadungan kara, gin-engganyo nana ro nga ginikanan nga suportahan ro andang mga inunga sa andang pagtuon sa atubang it pandemya.
Ginpadumdum dugang nga hugut nga sundon ro public health and safety protocols sa pagpa enroll sa andang mga inunga.
