KALIBO, Aklan—Humampak pa sa kabilugang 1,819 ro kumpirmadong kaso it Coronavirus Disease 2019 ukon COVID-19 sa bilog nga probinsya it Aklan umpisa nga magtuhaw ro pandemya.
Base sa datus nga ginpagguwa it Aklan Provincial Epidemiology Surveillance Unit it Provincial Health Office, raya hay bangud sa 13 nga panibag-ong nagpositibo sa deadly virus.
Sa nasambit nga numero, waeo ro maghalin sa banwa it Malay, tatlo sa Numancia ag tig sambilog sa Buruanga ag Kalibo.
Sa pihak kara, may 22 man nga nagdugang sa listahan it mga nagmayad rason nga sumaka eon sa 1,544 ro total recoveries.
Samtang, nadugangan man it sambilog ro mga namatay rason nga sumaka eon sa 42 ro total deaths matapos nga dapuan it COVID-19 infection.
Sa makaron, 233 pa ro nabilin nga aktibong kaso nga ginakaeakipan it 177 nga naka-facility quarantined, 17 nga admitted sa Aklan Provincial Hospital ag 39 nga naka-home quarantined.
