KALIBO, Aklan–Ginsuhestiyon it sangka eksperto ro pagbutang it weather monitoring stations sa probinsiya it Aklan.
Suno kay Raymund Sucgang, Supervising Science Research Specialist it Philippine Nuclaer Research Institute ukon PNRI nga tuyo kara nga masubaybayan ro daeagan it tiempo eabi eon makaron nga grabe ro naexperiensiyahan nga lebel it heat index.
Ginpaathag ni sucgang nga ro heat index hay ro epekto it init sa tawo.
Kaibahan sa anang plano pagkatapos it pandemya daea it covid 19 nga magbutang it weather monitoring station sa banwa it batan agud nga direktang makahaboy it data sa mga pumueuyu pinaagi sa andang mga cellphone.
Bangud sa climate change suno kana tuga it green house gases ag pagkasamad it mga eawod, nagiging peligroso ro heat index.
Makaron nga buean it Mayo suno kana ro pinakamataas nga heat index value values hay nailista sa Dagupan nga nag abot sa 52 degrees celcius samtang ro Palawan nga maeapit sa aklan hay nakaangkon it 32 degrees celcius.
Suno kay Sucgang nga ro heat index values sa katung-anan it 41 ag 54 degrees celsius hay posibleng magtuga it heat cramps ag heat exhaustion nga maga-resulta sa heat stroke.
