KALIBO, Aklan—Mabahoe ro tyansa nga makasueod sa top 20 ro pambato it Pilipinas nga si Rabiya Mateo sa 69th Miss Universe 2021.
Suno sa sangka pageant fan nga si Asia Adriana Ybarra nga mabahoe ro andang pageaum nga magapangibabaw ro 24-year-old half Indian beauty nga tubong Iloilo bangud sa anang personalidad.
Apang sa pihak kara, indi man sigon dapat nga magpakampante ro mga Pinoy bangud haeos tanan nga nasyon hay nagpreparar man sa nasambitan nga kompetisyon.
Dugang pa kara nga mabahoe ro nag-improved sa kandidata umpisa sa anang physical nga appearance hasta sa pagrampa ag pagsabat sa mga pangutana.
Samtang, ginlaygayan man kara ro kaparehong mga pageant fan nga indi magbuhi it mga tinaga nga owa it maibulig sa performance ni Rabiya.
Ro mayad sigon makarun nga tyempo hay mapaabot eun lang it suporta ag pangmuyo agud nga maiuli ni Rabiya sa Pilipinas ro ikalimang korona sa 69th edition it Miss Universe.
