Kalibo Aklan ———-Uman nga nagpanawagan ro Provincial Health Office (PHO-Aklan) sa publiko angot sa padayun nga pagsunod sa ginapatuman nga minimum health protocol agud nga malikawan ro padayun nga pagkalhit it coronavirus disease 2019 (COVID-19).
Suno kay Dr. Cornelio Cuatchon Jr. it PHO-Aklan nga indi dapat nga magpakampante ro mga pomoeuyo mas kapin sa mga Barangay.
Sambilog man sa mga rason it pagtinaas it mga kaso it COVID-19 sa probinsya hay ro mga ginapatigayon nga mass gatherings kapareho eamang it natabo sa fiesta sa banwa it Libacao ag Kalibo.
Samtang, gineaygayan man kara ro mga may comorbidities ag ro may ginabatyag nga sakit kapareho it diabetes, high blood , ag cronic kidney disease nga likawan anay ro pagguwa sa andang mga panimeay.
Dugang pa kara nga maskin ro miyembro it pamilya it mga may sakit hay dapat man nga magpangaman agud malikawan ro pagtaeapnan it deadly virus nga COVID-19.
