KALIBO, Aklan—Nag-abot eon sa 338 ro kabilugan nga kaso it Coronavirus Disease 2019 (COVID-19) sa banwa it Malay ag isla it Boracay matapos nga may 6 nga nadugang sa bag-ong kumpirmadong kaso nga nailista it Provincial Health Office ukon PHO-Aklan.
Sa datos it Malay Inter-Agency Task Force, 6 ro nagpositibo sa RT-PCR test nga makaron hay ginpaidaeum sa strict quarantine.
Naga-abot makaron sa 30 ro aktibong kaso samtang ro mga nagmayad hay 306.
Nagapabilin man sa daywa ro namatay bangud sa deadly virus nga naghalin sa barangay manocmanoc ag cubay sur sa mainland.
Sa pihak nga parte, ro aktibong kaso sa Barangay Manoc-manoc hay pito ag 124 ro nagmayad samtang sa Balabag ro active cases hay tatlo ag 96 ro naka-recover ag sa Yapak hay nakalista it sambilog nga aktibong kaso ag 52 ro nagmayad.
Padayun ro pagpadumdum it LGU-Malay nga seryosohon ro pagpatuman it health and safety protocol agud nga makalikaw sa sakit.
