-- ADVERTISEMENT --
Kalibo Aklan——–Nagpaguwa it abiso ro Aklan Electric Cooperative (AKELCO) angot sa peke kara nga facebook account.
Base sa facebook post it ahensya, uwa it panibag-ong account sa nasambit nga social media platform ro ahensya kundi ro lehitimo eamang kara nga account hay ro andang presenteng ginagamit.
Ginpabutyag nga uwa it kahilabtanan ro AKELCO sa mga naka-post sa peke nga account.
Bangud kara, nagpadumdom ro AKELCO sa pumueoyo nga indi ro mga raya magpati sa nagapataeang gamit ro andang ahensya.
Nasayuran nga maabo ro nagpabutyag it kaakig sa social media matapos nga makapilang beses nga patay-sindi ro power supply nga suno sa AKELCO hay ana raya it National Grid Corporation of the Philippines (NGCP).
-- ADVERTISEMENT --
