KALIBO, Aklan—Ginklaro it National Grid Corporation of the Philippines ukon NGCP nga bukon it andang linya ro nakaangkon it problema nga naging rason it patay-sindi nga supply it kuryente sa porsyon it Ibajay, Andagao, Lezo ag Altavas sub-station it Aklan Electric Cooperative ukon AKELCO.
Suno kay Michelle Visera, tagapaghambae it NGCP Western Visayas nga may andang mga scheduled power interruption ko mga nagtaliwan nga adlaw bangud sa ginaayos nga linya matapos nga maigo it kilat.
Apang bukon sigon it apektao ro linya it NGCP sa Nabas – Sapi-an 69 kb9 nga imaw ro nagasupply sa nasambitan nga linya.
Nasayuran nga nagkaproblema ro linya it AKELCO sa Altavas sub-station kung sa siin indi man maka-penatrate ro NGCP hasta nga owa pa nai-restore.
May kaangtan kara, nagkipagbuligan sigon ro andang taeatapan sa AKELCO para mapadali ro pagbalik it power supply sa mga apektadong lugar.
Samtang nagpangayo man raya it pasaylo sa mga miyembro-konsumedor it AKELCO nga naka-eksperyensiya it brown out ag nagpromisa nga 24/7 nga bukas ro andang taeatapan agud nga masabat ro problema it mga konsumedor.
