KALIBO, Aklan—Nagpatuman it mas hugut pang market rules ro lokal nga gobyerno it Banga sa andang gintukod nga temporaryong tindahan sa brgy. Jumarap sa nasambit nga banwa.
Raya hay kasunod it pag-lockdown sa andang merkado publiko bangud sa pagtaas it kaso it COVID-19 kun sa siin daywang mga vendors ro namatay tuga it covid infection.
Umpisa Mayo 21 hay temporaryong ginsarado ro tindahan hasta sa Mayo 25 agud nga taw-an it daean ro disinfection ag contact tracing.
Suno kay Jojo Ricaforte, sambilog sa mga meat vendor nga pabor sanda sa ginapatuman nga hugut nga precautionary measures kapareho it social distancing ag mandatory nga pagsuksok it face mask ag face shield bilang dugang nga proteksyon. Apang bukon it kapareho sa andang pwesto sa tindahan hay sangkiri eamang ro nagapanindahan tuga it pagtukod it talipapa sa pilang mga barangay.
