KALIBO, Aklan—Pwedi sa gihapon nga magpabakuna kontra COVID-19 ro mga may sakit sa tagipusuon.
Suno kay Dr. Vim Samonte, President it Philippine College of Physicians (Capiz-Aklan chapter) nga base sa pagtuon owa nakit-an nga seryosong side effect sa mga indibidwal nga may sakit sa tagipusuon kapareho it high blood, Rheumatic heart disease , cogenital ag sa mga may history it heart attack ro bakuna kontra covid-19.
Ginklaro pa kara nga kinahangean eamang nga magpacheck sa doktor ro mga raya agud masayuran kung stable ukon bukon ro andang kondisyon.
Sa makara nga tyempo man suno pa kana hay dapat nga isipon eun lang it mga pomoeuyo nga ro bakuna hay makatao it haeos 100 percent nga epekto agud malikawan ro deadly virus.
Raya man suno pa kana hay euwas ag maisot eamang ro porsiyento nga makaangkon it adverse effect.
Samtang, nagpadumdom man raya sa publiko nga maging maaeam sa pagkalap it impormasyon angot sa covid-19 vaccine.
Likawan ro pagpati sa mga nagakalhit nga saeang impormasyon ag magpamati ukon magpangutana eamang sa mga health authorities agud mataw-an it kaklaruhan ro mga haka-haka.
