KALIBO, Aklan—Padayun nga nagatinaas ro kaso it HIV ukon (Human Immunodeficiency Virus) ag AIDS ukon (Acquired Immunodeficiency Syndrome) sa bilog nga nasyon.
Suno kay Errol Ordines it Philippine Red Cross (PRC)-Aklan nga base sa report, kada dag-on hay mas pang nagataas ro nailistang kaso it nasambitan nga sakit sa sa bilog nga nasyon.
Samtang sa probinsya it Aklan hay nakalista man it kapin 304 ka mga kaso ko nagtaliwan nga January 2021.
Mas pa sigon nga nagtinaas ro mga kaso kat nag-eupok ro pandemya bangud ro mga una sa at risk situation hay nadueaan it access sa mga health services.
Nasayuran nga pwedeng maangkon it sangka indibidwal ro HIV infection pamaagi sa blood contact, semen, pre-seminal fluid, rectal fluids, vaginal fluids, ag maging ro breast milk.
Agud nga malikawan ro pagkaangon kara dapat nga sundon ro “A to E HIV prevention” A nga nagakahueogang “abstinence” ukon no sex at all; B ukon be faithful ag makontento sa karelasyon; C ukon consistent and correct condom use; D ukon Do not use drugs ag ro E ukon Education.
