Kalibo Aklan———–Temporaryong ginkustudiya sa Kalibo Police Station ro sangka eaeaki matapos nga ginaalegar nga nagpamaeag ag nagpanutok it baril sa C Laserna. St. Kalibo.
Si Mario Gamboa, 38-anyos hay gin-aresto it pulisya matapos nga ireklamo it biktimang si Ricky Alba, 49-anyos ag parehong residente it nasambit nga lugar.
Una kara, magasueang kunta ro tagreklamo sa anang misis sa Brgy. Bakhaw kon sa siin pag-abot sa nasambit nga lugar hay gin-eambangan raya it suspek ag may nagpatunga mainitang diskusyon sa magtimbang nga parte.
Kaangot kara, gintik-eod it suspek ro biktima nga gintunaan it anang pagkatumba kadungan sa ginasugid nga gintutukan raya it baril.
Apang, nakapaeagyo sigon imaw sa suspek ag nagdiretso sa taeatapan it pulisya agud nga magreklamo.
Ro insidente hay padayon pang ginaimbestigahan it Kalibo PNP para sa nagakaigong disposisyon.
