KALIBO, Aklan—Limitado sa gihapon ro mga flights sa Kalibo International Airport.
Suno kay PCAPT Dee Jay Domingo, Station Chief it Kalibo Airport Police Station nga puro mga domestic flights eamang makarun ro gina-cater it nasambitan nga paeuparan.
Dugang pa kara nga sa makarun hay may una eamang nga limang beses kada dominggo nga flight ro Philippine Airlines ag Cebu Pacific Air kung sa siin raya hay kada adlaw it lunes , merkules, byernes sabado ag dominggo.
Samtang ro Air Asia hay kada adlaw it huwebes ag dominggo eamang.
Samtang, gindugang pa ni PCAPT Domingo nga sandig sa Executive Order 005-D series of 2021 it probinsya it Aklan nga kinahangean nga magpakita it negatibong resulta it RT-CPR test kamana man nga magfill-up it online health declaration card nga makit-an sa www.touristboracay.com ro mga travelers nga maga-uli sa probinsya.
Samtang ro mga magaguwa man it probinsya hay obligado nga magdownload it Trace application ag magscan it QR code.
Daehon man ro printed copy it ticket ag valid I.d kung nagapasueod eun it paeuparan.
