KALIBO, Aklan—Kasunod it pagselebrar it World No Tobacco Day, uman nga nagpadumdom ro sangka eksperto angot sa maeain nga epekto sa ikaayong eawas it pagpanigarilyo.
Suno sa sangka pulmonologist nga si Dr. Juliet Macahilas nga sa pihak it waea-tuo nga kampanya it nagkaeain eain nga ahensiya angot sa pagpanigarilyo hay maabo sa gihapon ro nagagamit kara.
Kaabuan man sa rason it iba, nakaka-relax ro pagpanigarilyo.
Apang sa iba, perwisyo ro daea kara , mas kapin eun sa mga tawong owanaila nga makahugom it aso.
Nasayuran nga ro sigarilyo hay may nicotine nga nakaka-addict ag kung maggamit ka kara hay imo eun nga pagausoy-usoyon.
Ro aso it sigarilyo hay may maabong substances nga may maeain nga epekto sa ikaayong eawas kapareho it kemikal, gas, ag maisot nga droplets it “tar”.
Kaabuan pa kara hay puwedeng magresulta it sakit nga kanser.
