KALIBO, Aklan—Kaabuan sa mga natapnan it COVID-19 sa probinsiya it Aklan hay naghalin sa unknown sources ukon indi matumod nga lugar ukon tawo.
Raya hay base sa monitoring it Deparment of Interior and Local Government ukon DILG-Aklan ko Mayo 10, 2021.
Base sa record, natukiban nga 46.74% nga nagakalhit ro virus pinaagi sa unknown sources.
Kapin sa 15.26% man nga nakaangkon it pagtaeapnan bangud sa mga ginapatigayon nga kasadyahan ukon okasyon ag ro 7.63% sa mga pribadong opisina ag 7.28% sa mga government offices.
Ginapatihan man nga 5.92% nga naga abu ro kaso bangud sa mga lamay sa patay.
Madasig man nga nakalhit ro virus sa mga ospital nga may 4.52% ag 3.97% sa mga tindahan.
Samtang, nakalista man ro simbahan it 3.31% nga posibilidad nga matapnan it virus ag 2.06% sa mga banko.
1.61% sa mga health centers , 0.95% sa pagpatlod ag 0.75% sa mga remittance center.
Madumdunman nga ro owa pagsunod sa social distancing ag owa pagsuksok it face mask ag face shield ro kaeabanan sa mga health protocols nga owa ginasunod it mga pumueuyu.
