KALIBO, Aklan—Ro chronic kidney disease hay sambilog sa mga rason kung ham-an nga naga-develop ro severe infection it coronavirus disease ukon COVID-19 sa sangka tawo.
Suno kay Dr. Alan Tolentino, Internist/ Nephrologist nga mataas ro risgo nga makaangkon it mas-grabe nga epekto it covid-19 sa kaeawasan it sangka pasyente nga may sakit sa bato.
Ro CKD man hay ika-9 sa mga naging rason it pagkamatay sa bilog nga pungsod Pilipinas, mageuwas pa sa diabetes ag hypertension.
Na-develop ro chronic disease kung ro sangka tawo hay may mataas nga blood pressure , may diabetes, ag arthritis.
May kaangtanan kara, gin-engganyo ni Dr. Tolentino ro mga maychronic kidney disease nga magpabakuna it makin ano pa nga klase it bakuna kontra covid-19 agud may pambato ro andang kaeawasan sa deadly virus.
Nasayuran nga ro may mga CKD hay mabahoe ro tiyansa nga tamaan it covid-19 bangud nagahina ro andang immune system.
