KALIBO, Aklan—Aminado ro Philippine Coast Guard ukon PCG-Aklan nga manaba sa gihapon ro numero it mga pasahero nga nagapasueod ag nagapagguwa sa Caticlan Jetty Port.
Suno kay CPO Jackielou Ang it Philippine Coast Guard ukon PCG-Aklan nga umpisang nag-eupok ro pandemya hay apektado man ro numero it mga pasahero nga naga-travel pamaagi sa saeakyang pandagat.
Samtang ginklaro man ni Ang nga ro mga pasahero nga maghalin sa guwa it Aklan ag magapaadto sa Isla it boracay hay kinahangean nga magpakita it negatibong resulta it swab test, valid I.D ag hotel booking.
Kung naga-agi man sa isla it Boracay paadto it batangas ukon sa mga lugar sa guwa it probinsya hay kinahangean eamang nga magdownload it S-pass sa andang cellphone.
Nagapabilin man nga QR code eamang ro requirements para sa mga aklanon apang dapat nga sa magatinir eamang raya idto it sang adlaw.
Samtang, gindugang pa kara nga sa makarun hay temporayo nga nagsaylo ro motorbanca sa tabon port paadto it tambisaan bangud nga mabaskog ro humbak sa jetty port terminal tuga it tyempo it tag-uean.
