KALIBO, Aklan—Ginpaidaeum sa granular lockdown ro Sitio Maeubong, Barangay Lalab, sa banwa it Batan.
Samtang, temporaryo man nga pagasaraduhan ro andang barangal hall matapos nga makalista it daywa ka mga panibag-ong kaso it makamaeatay nga sakit nga Coronavirus Disease 2019 ukon COVID-19.
Suno kay Barangay Kapitan Jhon Dela Cruz it Barangay Lalab, Batan nga ro nasambitan nga tikang it Local Government Unit ukon LGU hay agud nga malikawan ro pagtaeapnan pa it virus sa nasambitan nga lugar kung sa siin nakarecord it sambilog euman nga namatay bangud man sa gihapon sa COVID-19.
Sa makarun suno pa kana hay kapin sa 28 ka mga pamilya ro apektado it ginpatuman nga granular lockdown.
May kaangtanan kara, anang ginhingyo ro mga lending investors nga indi anay magpanukot sa mga utang it mga residente sa lugar kamana man ro mga pomoeuyo nga indi anay magpinanaw kung owa it importanteng hilikuton.
