KALIBO, Aklan–Nagpanawagan ro sangka batikang abogado nga indi iboto sa maabot nga eleksyon ro mga kandidatong kaibahan sa political dynasties.
Suno kay Atty. Axel Gonzales nga pwede raya nga umpisahan it administrasyong duterte kon gustuhon kara.
Mabuhay eon suno kana nga ginaduso ro pagpabakod it proposed bill kontra sa political dynasty sa nasyon apang padayun raya nga ginabaeagan.
Kinahangean suno kana nga mabag-o ro sistema.
Maabu sigon sa mga politiko sa nasyon hay mag-igbata, mag-asawa ag halin sa sangka pamilya eamang ro gustong magserbisyo sa sangka lugar.
Gindugang pa ni Atty. Gonzales nga magapadayun ro makarondaya nga sistema kon ro mga botante hay padayun nga magaboto sa mga kandidatong kaibahan sa sangka pamilya.
Pabor man imaw sa panindugan it Greek philosopher nga si Socrates nga kinahangean nga ro mga botante hay mga skilled ukon may nagakaigo nga kasayuran agud nga maduea ro korapsyon.
