KALIBO, Aklan—Sa pihak nga may available pa nga mga kwarto sa daywang ka local covid center it banwa it Kalibo, nakipag-negosyar eon ro lokal nga gobyerno sa sambilog pang hotel bilang preparasyon engkaso nga uman nga makaangkon it pagtaas sa kaso it covid 19.
Suno kay Kalibo Mayor Emerson Lachica nga nakipag-istorya eon imaw sa sangka hotel kon pwede mahimo nga quarantine facility it mga residenteng nakaangkon it covid infection ro andang establisimento.
Makabig suno kana nga battleground ro kalibo it deadly virus rason nga kinahangean nga may andang contingency plan.
Sa pihak nga parte, gindugang pa ni mayor Lachica nga bukas ro anang taeatapan sa sin-o man nga nagakinahangean it bulig.
Owa sigon it halong pamulitika ro andang pagtau it serbisyo publiko makaron nga tiempo it pandemya.
