KALIBO, Aklan—Nag-abot euo sa 159 ro missing sa pag-collapse it 12-storey building sa Surfside Florida.
Suno kay Bombo International Correspondent Pinoy Gonzales it Houston Texas, U.S.A nga sa makarun hay nagapadayun sa gihapon ro ginapatigayon nga search and rescue operation it mga otoridad sa mga natabunan it pagkarumpag it nasambitan nga edipisyo.
Dag-on 1981 sigon kat gintukod raya, apang makabig nga matibay pa rason nga owa anay gin-demolish it gobyerno.
Makabig man sigon nga ro Florida hay water land ag maeapit sa baybay ro nasambitan nga edipisyo nga imaw ro naging rason it pag-euya it pondasyon kara.
Ro lugar man hay bakasyunan it mga ibang lahi bangud sa manami nga view.
Maabo man nga mga bakasyunista maghalin sa nagkaeain eain nga nasyon ro hasta makarun hay missing kaibahan eun ro igmanghod it first lady it Paraguay, anang asawa ag talong ka mga unga kaibahan ro andang yaya.
