KALIBO, Aklan—Halin sa dating high risk hay na-downgrade ro Covid-19 risk classification it probinsiya it Aklan paagto sa moderate risk.
Suno kay Dr. Cornelio Cuatchon it Provincial Health Office ukon PHO-Aklan nga raya hay matapos nga nagnaba eon ro Covid-19 average daily attack rate per 100,000 population sa Aklan sa 9.56 percent umpisa hunyo 14 hasta 27 kumpara sa mga nagtaliwan nga mga domingo nga nag abot sa 10.35 percent.
Gindugang pa ni dr cuatchon nga mabahoe nga bulig ro ginpatuman nga pag istrikto sa idaeum it MGCQ with heightened restrictions.
Halin sa 885 ko Mayo 31 hasta Hunyo 13 hay nagnaba sigon sa 818 ro kaso it covid 19 umpisa hunyo 14 hasta 27.
Samtang, naga-abot eamang sa 23.84 percent it hospital beds it pampubliko ag pribadong ospital sa probinsya ro gintaeana para sa Covid-19 cases.
Naga-abot man sigon sa 31% ro utilization rate it isolation ag quarantine facilities hasta ko Hunyo 27.
Sa pihak nga parte, ro banwa it Tangalan hay nailistang critical risk area samtang ro Kalibo, Makato, Malinao, Nabas, New Washington, ag Lezo hay na-classify bilang high risk areas.
