KALIBO, Aklan—Ginapasugtan it Department of Education nga gamiton bilang COVID-19 quarantine facility ro mga eskwelahan.
Raya ro ginklaru ni Dr. Miguel Mac Aposin, Schools Division Superintendent it DepEd-Aklan.
Apang suno kana nga ro paggamit sa mga eskwelahan bilang quarantine facility hay dapat nga last resort.
Dapat man sigon nga nausisa it Department of Health ukon natungdan nga municipal health office agud nga makita kon nagabagay ukon kompleto ro anang mga pasilidad ag paga tutukan it mga local government units ro paggamit kara.
Dugang pa ni Dr. Aposin nga dapat nga makaangkon it decontamination sa tanan nga parte it building agud nga masiguro nga eowas engkaso nga uman nga pagagamiton sa academic activities ro eskwelahan.
Sa makaron suno kana hay sigidas pa ro pag-report it mga manugturo sa mga eskwelahan eabi pa ag sa Hulyo 10 eon ro pagtapos it klase kun sa siin maabu sanda nga mga taeapuson nga trabaho.
Ginklaru dugang ni Dr. Aposin nga puro virtual graduation ro ginapatigayon makaron bangud nga hugut sa gihapon nga ginabawae it DepEd ro face-to-face graduation rites bangud sa pandemic.
