KALIBO, Aklan—Mas pang ginpaeapad it banwa it Madalag ro andang vaccination program kontra COVID-19.
Suno kay Madalag Mayor Al Dindo Gubatina nga gin-umpisahan eon nanda ro pagbakuna sa mga persons with comorbidities ukon may ginabatyag nga baeatian nga sa idaeum it kategorya nga A3 bilang kaparte it tikang agud nga maging eubus nga accessible ro COVID- 19 inoculation program sa banwa.
Gindugang pa ni Gubatina nga ro lokal nga gobyerno it Madalag hay nagpatigayon man it mga pagbakuna sa mga eligible nga mga indibiduwal halin sa A1 hasta A2 priority sectors.
Sa makaron hay haeos 70% eon ro nabakunahan sa masobra sa 800 nanda nga mga frontline health workers.
Agud nga maging madasig ro andang vaccination, ginapatuman sigon nanda ro “first come, first serve basis” sa mga interesadong residente nga gustong magpaturok it bakuna.
Maabu man suno kana ro mga nagka-interes nga senior citizens nga magpaakuna bangud nga kon maeayo ro lugar nga andang ginahalinan hay ginapasueang ro mga raya it andang service vehicle.
Maskin nga mahaba suno kana ro listahan it andang mga pumueuyu nga gustong magpabakuna, apang ro kakueangan it covid vaccine ro problema.
