KALIBO, Aklan—Nagakabaeaka makaron ro mga opisyal sa probinsiya it Aklan ag banwa it Kalibo sa padayon nga pagtaas it mga kaso it COVID-19.
Suno kay Kagawad Mark Sy it barangay Poblacion, Kalibo nga ginatutukan nanda makaron ro mga matawo nga lugar kapareho it oyo torong st matapos nga makitaan it pagtaas it mga kaso eabi eon sa compound it mga magpamilya.
Mas maabu nga tawo suno kana hay mas madasig ro transmission.
May posibilidad suno kana nga igapaidaeum sa lockdown ro lugar kon padayun nga magataas ro covid cases.
Sa pinaka-ulihi nga datus suno kana it provincial epidemiology surveillance unit it PHO-Aklan, sa kabilugan nga 270 nga gin-swab test hay 151 ro nagpositibo sa sakit.
Bangud kara, ginpahayag ni mark sy nga naga abot sa haeos 55 porsiyento ro positivity rate sa aklan mas mataas pa sa metro manila nga una eon lang sa 12 to 13%.
Raya ro porsiyento it mga tawong nagapositibo sa COVID-19 kompara sa tanan nga mga na-test.
Nagpaandam pa si Mark Sy nga importanteng sundon ro minimum health protocols ag indi maging pasaway kon indi gusto nga magbalik sa mas hugut nga quarantine classifications kapareho it natabu ko nagtaliwan nga dag-on.
