KALIBO, Aklan— Uman nga nagkansela it local ag international flights ro nasyon nga thailand kasunod it nagatinaas nga kaso it delta variant it coronavirus disease 2019 ukon covid-19.
Suno kay Bombo international correspondent Michael Garulacan it Trat Province, Thailand nga pati man ro andang local transportation makarun hay kanselado ag samtang nagpatuman man it Lockdown sa pilang probinsiya ag nakataeana pang magatapos sa buean it Agosto.
Sa makarun hay ro mga Basic necessities eamang sigon ro ginapasugtan nga magbukas.
Nagapabilin man nga mandatory ro pagsuksok it face mask ag pagsunod sa ginapatuman nga protocol agud nga masok-ean ro pagkalhit it deadly virus.
Samtang sa pihak nga parte, gin-engganyo man ni Garulacan ro mga Pinoy nga disiplinahon ro andang kaugalingon agud nga indi eun maka-eksperyensiya it grabe nga scenario bangud sa covid-19.
