KALIBO, Aklan— Ginpasakaan it penalidad ro kapin sa 57 ka mga persona matapos nga mag-atender sa ginpatigayon nga anti-lockdown protest sa Sydney, Australia.
Suno kay bombo international correspondent Denmark Suede it Sydney, Australia nga ginakahadlokan makarun it andang gobyerno ro posibleng pagtaas pa it andang nailistang kaso it coronavirus disease ukon covid-19 matapos nga ro natabo nga protesta.
Nasayuran nga ro mga protesters hay nagsukoe sa mga police nga nagporma it barikada sa George street.
Ro mga pomoeuyo sa Greater Sydney ag iba pang kaeapit nga lugar hay ginpaidaeum sa lockdown sa masobra ap-at nga dominggo eun matapos ro outbreak it delta variant it covid-19.
Ko nagtaliwan eamang nga adlaw it biyernes, naka-record it 163 nga kaso it sakit ro nasambitan nga lugar.
