KALIBO, Aklan—Ro Peripheral Artery Disease (PAD) hay resulta it nabilog nga mga cholesterol ag sebu sa mga ugat sa siki ag batiis ukon legs.
Pwedi rayang magresulta it pagpanaeakit it mga siki ag batiis, kalisod sa pagtikang ag kung mag-grabe hay pwedi rayang magresulta it pagkaputoe it mga batiis.
Suno kay Dr. Jackie Lyn G. Francisco , internist, cardiologist, vascular specialist nga mataas ro tiyansa nga magkaangkon man it coronary artery disease ro mga taong may peripheral artery disease.
Raya hay bangud pareho rayang resulta it atherosclerosis ukon pagkaangkon it mga nabilog nga cholesterol ukon sebu sa mga gina-agihan it dugo.
Ro mga nabilog nga sebu hay nagabara sa mga ugat paadto sa siki ag batiis nga naging resulta it pagsakit kara.
Ro mga plaques hay nabilog nga cholesterol nga pweding magbara sa mga ugat.
Raya hay ginatawag nga claudication nga nagadaea it pagpanaeakit it mga muscles sa batiis bangud bukon it maayos ro pag-ilog it dugo sa mga siki ag batiis.
Ro simpleng test nga pweding ubrahon agud masayuran kung may peripheral artery disease hay magpatan-aw sa inyong mga doktor.
Unang iga-check kara ro mga pulso sa batiis.
Sa sangka batiis, may daywang pulso nga madaling mabatyagan it mga doktor.
Kung raya hay mabatyagan, boot hambaeon nga normal ro pag-iloh it dugo sa mga batiis.
Ro masunod nga test hay ankle branchial index kung siin naggamit it blood pressure cuffs sa mga alima ag ginagamitan it Doppler probe.
Nasayuran nga ro mga tawong naka-eksperyensiya it grabe nga pagpanaeakit it mga siki ag nalisdan nga magtikang maskin sa maeapit eamang nga distansya hay gina-engganyo eun nga magpa check sadoctor para sa peripheral artery disease.
Ro mga nagapanigarilyo ukon dating nagapanigarilyo ag mga may paryente nga may peripheral artery disease hay gina-engganyo man nga magpatan-aw sa doktor.
