KALIBO, Aklan—Gina-uean makaron it pagtamyaw si Olympic silver medalist Pinoy boxer Carlo Paalam matapos ro hampang kara men’s flyweight competitions sa Tokyo Olympics.
Nagpakita it kaisog ro 23-anyos nga Cagayan de Oro native maskin pa nga naangkon kara ro knockdown sa first round kat tamaan imaw it kumbinasyon sa ueo it kasambuwa nga si Galal Yafai it Great Britain.
Sa sumunod nga two rounds hay nagpakita pa it tibay si Paalam ag nakipagsabayan it toe-to-toe kay Yafai.
Ro second round hay uman nga nabuoe it Briton ag pag-abot it third round nag-eagas eon it husto si Paalam para makapuntos apang ulihi eon.
Gindeklara it mga hurado nga daog si Yafai via split decision sa socre nga 4-1.
Suno kay Bombo Samurai Correspondent Josel Palma nga ro nasambit nga hampang hay gin-abangan it maabo nga Filipino sa Japan sa pag-eaum nga uman nga makakuhit it bueawan nga medalya ro Pilipinas kasunod it kadaeag-an ni Hidilyn Diaz.
Nagtapos ro kampanya it Pilipinas sa Tokyo Olympics nga may ap-at ka mga medalya nga ginakaeakipan it sambilog nga bueawan, daywang silver ag sambilog nga bronze medal.
Raya eon ro ginakabig nga “biggest medal haul” it nasyon sa kasaysayan it pagpasakop kara sa olimpiyada.
