KALIBO, Aklan—Nabooe nanday 2018 Asean games bronze medalist Cherry Mae Regalado ag anang teammates nga sanday Aina Nicole dela Cruz ag Michelle Jane Cabindol it philippine lightning speed-pencak silat -aklan ro gold medal sa Regu Senior 18-35 y/o bracket category sa 2021 PSC Women’s martial arts festival pencak silat virtual competition.
Suno kay national athlete turned beauty queen Cherry Mae Regalado nga naiuli man it probinsiya it Aklan ro overall champion sa pencak kontra sa maabong iba pa nga delegado maghalin sa nagkaeain eain nga siyudad ag probinsiya sa bilog nga nasyon.
Bukon eun man sigon it raya ro unang kahigayunan nga naangkon it probinsiya ro overall champion bangud sa pilang anyos eun nga pagpartisipar hay masami nga ro Aklan ro nagapangibabaw sa nasambitan nga hampang.
Bangud man nga pamaagi sa virtual ro nasambitan nga kompetisiyon hay naging malisod sigon para kandang mga atleta ro pag-ensayo mas kapin pa ag may ginapatuman nga protocol ro IATF kontra sa covid-19 pandemic.
Apang sa pihak kara, owa nagpaulihi ro mga pambato it probinsiya ag naghakot pa it maabong mga medalya.
Nasayuran nga ro PSC Women’s martial arts festival pencak silat hay sangka dag-onan nga kompetisiyon kung sa siin raya hay ginapasakopan it mgababayeng atleta sa bilong nganasyon.
Apang bangud sa virtual eamang rayamakarun nga dag-on hay required eamang ro mga participants nga magsend it andang video samtang naga-perform ag ro mga gintaeanang judges eamang ro magapili it nagakadapat nga makaangkon it medalya.
