KALIBO, Aklan—Manami ro naging performance it mga pamabato it Pilipinas sa nagtapos eun nga 2020 Tokyo Olympics ro ginakabig nga “the greatest show on earth”.
Suno kay national athlete turned beauty queen cherry mae regalado nga raya eun ro pinaka-the best nga performance it mga pinoy sa olympiada.
Medyo nagminatood man sigon ro “law of attraction” kay Miss Hidily Diaz bangud nauna eun kara nga ginhambae ko mga nagtaliwan nga dag-on nga igauli nana ro pinakaunang bueawan nga medalya it Pilipinas sa Tokyo Olympics.
Dugang pa kara nga bilang sangka atleta hay importante kanda ro pagkaangkon it “goal” agud nga mas pang maghimakas.
Samtang ginapahayag dugang kara nga bugaeon imaw bilang national athlete nga nakauli gid it medalya ro atleta it nasyo kung sa siin ro iba pa kara hay anan mismong mga nakaibahan eun.
Madumduman nga naangkon ni Hidilyn Diaz ro kauna-unahang bueawan nga medalya it nasyon matapos ro 97 anyos.
Si Diaz hay gold medalist sa hampang nga weightlifting.
Samtang owa man nagpaulihi ro tatlong iba pang mga pambato it nasyon kung sa siin naiuli man nanday Nesthy Petecio ag Carlo Paalam ro silver medal sa hampang nga boxing.
Samtang bronze medalist man si Eumir Marcial it boxing.
