KALIBO, Aklan—Ginpaabot it National Irrigation Administration ukon NIA nga temporaryo eamang ro andang pagpaguwa it tubi umpisa ko Huwebes, Agosto 12 sa eastern side it irrigation system it Aklan.
Suno kay Ms. Juliet Gallardo, Chief operating it NIA-aklan-capiz irrigation management office nga tuyo kara nga mapatubian ro mga kaeanasan nga naga-umpisa pa eamang nga magtubo ro tanum nga paeay.
Engkaso suno kana nga owa eon sa kritikal nga kundisyon ro mga tanum hay uman nanda nga igapapundo ro serbisyo it patubi agud nga mataw-an it daean ro construction partikular ro pagbutang it sluice ag intake gate sa dam.
Madumduman nga gin-uean it reklamo halin sa mga mangunguma it banga, new Washington ag kalibo ro NIA matapos ro ginpatuman nga temporary closure umpisa ko Agosto 1 hasta kunta it Agosto 15.
Gindugang pa ni Gallardo nga nataeupangdan nanda nga owa eon nakaangkon it uean sa sueod it haeos daywang domingo rason nga ginpatubian nanda ro mga irigasyon.
Ginbasoe man kara ro mga mangunguma sa andang pagpabaya-baya sa andang farming activity matapos nga ko ulihing domingo it Abril hay nagpatigayon man sanda it early delivery ukon pagpasueod it tubi sa mga irrigation canal.
Ro pag-ayos sigon nanda it dam hay para man sa kamaeayran it mga mangunguma.
