Bangud sa kasikatan, Kapobreng Archie Hilario naka-experiensya it pagpanamad halin sa kaparehong vlogger

KALIBO, Aklan—Bangud sa kasikatan,  naexperiensiyahan makaron ni  Archie Hilario ukon mas kilaea kay kapobreng vlogger nga  samaran it kapareho man nga vlogger.

Suno kana nga may mga isyu nga kinahangean nanda nga sabton ag may una man nga kinahangean nanda nga balewalaon.

May mga vlogger suno kana nga pilit nga ginasamaran ro kaparehong vlogger  agud nga makisakay sa kasikatan.

Apang owa sanda naka-apekto kara ag sa baylo hay  ginapadayon ro andang pagbulig sa isigkatawo.

Sa pihak nga parte, nagtau man raya it tips ag advice sa mga  nagahandum nga maging youtuber ukon vlogger.

Gindugang pa kara nga kinahangean nga palanggaon kon anuman ro gina-obra agud nga maging madineag-on.