Suspek sa paghimueos sa 89 anyos nga magueang, boluntaryong nagsurender sa mga otoridad

JKalibo Aklan —————Boluntaryo nga nagsurender sa otoridad ro ginasugid nga suspek sa paghimueos sa sangka 89-anyos nga magueang nga nag-eontad sa sangka banwa sa probinsya it Aklan.

Sandig sa impormasyon nga nabueo it Bombo news team sa natungdan nga police station, insigida nga nagsurender sa taeatapan it pulisya ro nagapang-edaron it 20-anyos nga eaeaki nga imaw sigon ro responsable sa paghimueos sa biktima.

Ginasugid nga ginbusaean ro ba-ba it biktima antes nga natigayon ro paghimueos kana nga nagresulta sa pag-angkon kara it blood bleeding.

Ro nasambit nga suspek hay presenteng una sa kustudiya it pulisya para sa nagakaigong disposisyon samtang ro biktima hay nagapabilin sa ospital iya sa banwa it Kalibo para sa nagakaigong pagbueong.