173 ka mga OFWs sa Afghanistan, nagahueat it igapatuman nga repatriation it gobyerno

KALIBO, Aklan—Nagahueat eun lang it igakasa nga repatriation ro kapin sa 173 ka mga Overseas Filipino Worker ukon OFW sa Afghanistan.

Suno kay Bombo International Correspondent Joseph Gumpal nga nagahueat eun lang sanda nga sunod-sunod nga mairepatrate agud nga makaeuwas sa nagakatabong kaguluhan makarun sa mabahoe nga lugar sa Afghanistan  nga ginsakop it  Taliban matapos ro pagpahalin it  US  it  andang mga suldado  sa  nasambitang nasyon.

Dugang pa kara nga ro andang kaeuwasan eun lang makarun ro andang unang gina-isip kamana man it andang kampanya  nga  ginatrabahuhan rason nga maabo ro nagsarado anay bangud sa indi masayuran nga mga tikang nga posibleng himuon it Taliban.