KALIBO, Aklan—Nagapabilin sa gihapon nga una sa “moderate risk” ro probinsiya it Aklan pag-abot sa Coronavirus Disease 2019 ukon COVID-19 pandemic.
Raya ro pagklaro ni Dr. Cornelio “bong” Cuatchon Jr. it Provincial Health Office ukon PHO-Aklan.
Base sa datos, sumaka pa sa 10,712 ro kabilugan nga kaso it COVID-19 sa probinsya umpisa nga magtuhaw ro pandemya.
Base sa datus nga ginpagguwa it Aklan Provincial Epidemiology and Surveilance Unit (PESU), nakalista sanda it kapin sa 176 nga panibag-ong kaso it sakit kahapon nga adlaw.
86 sa mga nagpositibo hay halin sa sample nga nag-agi sa swab testing sa Dr. Rafael S. Tumbukon Memorial Hospital – Molecular laboratory samtang sa Western Visayas Medical Center Subnational Laboratory mat-a ginpatigayun ro 90 nga bag-ong nagpositibo.
Sa pihak kara, nadugangan man it 116 ro numero it mga naka-recover halin sa deadly virus.
Samtang, nag-abot eon sa 249 ro COVID-19 related deaths it probinsya.
Sa makaron, kapin sa 1,526 pa ro nabilin nga aktibong kaso it nasambitan nga masakit.
Samtang sa pihak nga parte, ginpahayag man ni Dr.Cuatchon nga sa makarun hay nagapadayun sa gihapon ro pagbakuna sa mga una sa A4 priority group sa probinsiya partikular eun ro mga essential worker.
