KALIBO, Aklan—Owa it ano man nga matabong pagbag-o sa ginapatuman nga pagsinoeundan sa probinsiya it Aklan matapos nga gin-extend ro ginapatuman nga Modified Enhanced community quarantine ukon MECQ umpisa petsa 16 it Agosto hasta 30.
Sa pihak kara, ginpahayag ni Provincial Administrator Atty. Selwyn Ibarreta nga nakataeanang magapueong makarun nga adlaw ro provincial IATF kaibahan ro tanan nga mga municipal mayors agud uman nga istoryahan ro nagakaigo nga tikang agud mas pang makontrol ro nagatinaas nga kaso it coronavirus disease ukon covid-19.
Nasayuran nga sa idaeum it MECQ hay kinahangean sa gihapon ro quarantine pass kung magguwa it panimaeay paadto sa ibang barangay.
Samtang travel pass man ro gina-usoy kung ro sangka indibidwal hay may magatabok sa ibang banwa.
Limitado man ro operasyon it mga establisiyemento komersiyal nga maaga-umpisa it alas 6:00 sa agahon hasta alas 4:00 sa hapon.
Ro curfew hour hay ginapatuman man umpisa alas 8:00 it gabi-e hasta alas 5:00 it agahon.
