Bangud sa naga-inabu nga kaso it Coronavirus sa nasyon dugang pa ro paeag it delta variant, ginkumpirma ni Vaccine Czar Rey Villaruel it lokal nga gobyerno it Kalibo nga maabo eon ro gustong magpabakuna kontra COVID-19.
Suno kana nga raya hay nagakahueogan nga naeubtan eon makaron it publiko ro importansiya it bakuna bilang proteksyon sa grabeng epekto it deadly virus.
Ginpahayag dugang nga ro andang bakuna nga ginagamit sa vaccination program hay ro alokasyon kanda it provincial government.
Owa pa suno kana naka-abot ro andang gin-bakae nga bakuna.
Sa pihak kara, ginpasiguro ni Villaruel nga preparado eon ro andang mga kagamitan para sa pag-abot it maabu nga supply it bakuna.
Sa makaron hay nagapadayun sigon ro andang bakunahan sa gintaeana nga vaccination center kun sa siin kaibahan eon sa andang ginaturukan it bakuna hay kaibahan sa A4 Priority Group ukon essential workers matapos nga haeos patapos eon ro andang mga Senior Citizens ag may co-morbidities.
