KALIBO, Aklan—Kumpiyansa si Aklan 1st District Sangguniang Panlalawigan member Atty. Harry Sucgang nga mapaathag it Provincial Government ro ginpaguwa nga observation ag recommendation it Commission on Audit ukon COA.
Sa report it 2020 audit report it COA, may pilang mga proyekto ro Provincial Engineering Office ukon PEO nga owa pa naturn-over ag iba pang mga isyu.
Suno kay Atty. sScgang nga posibleng owa eamang nasunod ro mga dapat nga pagsumite it mga kumpletong supporting documents.
Gindugang pa kara nga owa nagakahueugan nga kon gina kwestiyon it COA ro sangka ahensiya it gobyerno hay may nagakatabu nga korapsyon basta nga owa eamang it kunchabahan sa tunga it COA ag nagagastos it kwarta.
Apang masyado sigon nga maid-id makaron ro COA bangud sa ginapatigayon nga forensic auditing.
Nauna kara, nagpanindugan ro PEO nga masarangan nanda nga mapaathag ro mga proyektong gina-kwestiyon it COA.
Kadungan ro promisa nga igasumite ro tanan nga mga kinahangeanon nga dokumento.
