KALIBO, Aklan—Padayun nga apektado ro mga airlines companies sa naexperiensiyahan nga pandemya nga daea it COVID-19.
Sa kamatuoran suno kay Engr. Eusebio Monserate, manager it Civil Aviation Authority of the Philippines ukon CAAP-Aklan nga umpisa nga ginpaidaeum ro Aklan sa Modified Enhanced Community Quarantine ukon MECQ hay maabu nga mga airline operators ro nagbawas man it andang flights bangud sa sangkiri nga numero it mga pasahero
Naka-apekto man suno kana sa pagnaba it numero it mga pasahero ro ginapangayo nga mga requirements partikular ro negatibong resulta it RT-PCR test indi magsobra it 72 oras antes ro pagbiyahe nga kinahangean nga i-upload sa website it provincial government para sa pagbo-oe it QR code.
Kaabuan suno kana sa mga pasahero nga naga uli sa probinsiya hay ro returning aklanons ag authorized persons outside of residence ukon APOR.
Samtang, owa man suno kana it problema ro pag-facilitate nanda it mga flights it mga naga abot nga bakuna sa Aklan sa pihak it pilang mga kakueangan it koordinasyon kon amat.
