KALIBO, Aklan–Sangka salon owner nga may pwesto sa Kalibo public market ro nagpaabot it reklamo sa Bombo Radyo angot sa pagpanukot sigon it stall rental it lokal nga gobyerno it Kalibo.
Suno kana, sarado ro andang pwesto rason nga uwa sanda it ikabayad sa gobyerno.
Haeos pilang buean eon nga temporaryo nga ginpasarado ro mga non essential bussiness partikular ro mga salon kasunod sa pagpaidaeom sa probinsya it Aklan sa general community quarantine hasta nga ginbutang sa modified enhanced community quarantine nga magatapos sa Setyembre 7.
Ginpahayag dugang it tagreklamo nga uwa sanda it ibang source of income rason nga inde man dapat sanda pagpiguson it gobyerno.
Nataeopangdan sigon it mga raya nga gustong maka-income ro LGU kanda apang ro andang pwesto hay nagapabilin nga sarado ag haeoson eon nanda masolusyunan ro andang mga kinahang-eanon sa pang adlaw-adlaw.
Samtang, sa pihak nga parte, ginpahayag ni Kalibo Sangguniang Bayan Member Augusto Tolentino nga kinahangean sa gihapon nga magsunod sa ginpermahan nga kontrata ro nasambitan nga stall owner.
Raya hay sa pihak nga apektado raya it ginapangatubang nga covid-19 pandemic kung sa siin sa idaeum it Modified Enhanced community quarantine hay hugot nga ginabawaean ro operasyon it mga salon ag barber shop.
Sa pihak kara, puwedi sa gihapon suno kana nga mag-apela ag magpasa it request of consideration ro nasambitan nga salon owner agud nga ipaiway anay nga pagbayad it renta.
