Oposisyon, ginahueat eun lang ro pagpresentar it partido sa national—SP Sucgang

KALIBO, Aklan—Ginahueat eun lang makarun it oposisyon ro pagpresentar it  partido sa national agud nga maisapinal ro andang mga kandidatura para sa first ag second district it pobinsiya it Aklan.

Suno kay Aklan 1^st District Sangguniang Panlalawigan Member Atty. Harry Sucgang nga kung imaw ro pagapapilion hay gusto karang suportahan ro kandidatura ni Senator Manny Pacquiao ukon ni Manila Mayor Isko Moreno.

Samtang,  paiba-iba man sigon ro gusto it andang mga kaibahan sa andang partido.

Madumduman nga nauna eun nga ginkumpirna ni SP Sucgang nga magapapili imaw bilang congressman it unang distrito   ag  ha-om en man rayang   magfile  it anang Certificate of Candidacy (COC ) sa maabot nga buean it Oktobre.